POLİS “PORTU” KLUBU PREZİDENTİNİN HƏBSİNƏ ORDER VERMİŞDİR
AZƏRTAC-ın İTAR-TASS agentliyindən aldığı xəbərə görə, Portuqaliyanın məhkəmə polisi “Portu” futbol klubunun prezidenti Nunu Pintu da Koştanın həbsinə order vermişdir. O, futbolda korrupsiyada ittiham edilir və adı “Qızıl fit” polis əməliyyatının yekunlarına əsasən başlanmış və böyük hay-küyə səbəb olmuş cinayət işi üzrə keçir.
İstintaq orqanlarının məlumatına görə, Nunu Pintu da Koşta hazırda İspaniyada səfərdədir, məhkəmə polisi isə sərhədi keçərkən onu həbs etmək üçün tədbirlər görmüşdür.
Bu ilin aprelində şərti “Qızıl fit” adı ilə keçirilən polis əməliyyatı gedişində Portuqaliyanın məhkəmə polisi 16 nəfəri, o cümlədən Peşəkar Futbol Liqasının prezidenti Valentim Loureyrunu həbs etmişdir. O, futbol oyunlarında istədiyi nəticələrin qeydə alınması üçün hakimlərə təzyiq göstərməkdə təqsirləndirilir. Yayılan məlumatlara görə, Valentim Loureyru bütün bunları “Portu” və “Sportinq” klublarının prezidentləri üçün etmişdir.
Bölmənin digər xəbərləri
