Polşada yaşlılar və yeniyetmələr üçün pulsuz dərmanlar haqqında qanun qüvvəyə minir
Bakı, 31 avqust, AZƏRTAC
Sentyabrda yaşı 18-dən aşağı və 65-dən yuxarı şəxslər üçün pulsuz dərmanlar haqqında qanun qüvvəyə minəcək. Bunu Polşanın Baş naziri Mateuş Moravetski bildirib.
AZƏRTAC Polşa KİV-inə istinadla xəbər verir ki, yaşı 65-dən yuxarı olan yaşlı insanlar üçün pulsuz dərmanların siyahısı təxminən 3.800 preparatı, yaşı 18-dək olan uşaqlar və yeniyetmələr üçün isə təxminən 2.800 dərman vasitəsini əhatə edir.
Polşa hökumətinin başçısı qeyd edib ki, qanunvericiliyə edilən müvafiq dəyişikliklər nəsillərin həmrəyliyi siyasətinin həyata keçirilməsi ilə əlaqədardır.
Bu ölkənin hakimiyyət orqanlarının hesablamalarına görə, 16 milyon polşalı pulsuz dərmanları əldə edə biləcək.
Bölmənin digər xəbərləri
