POLŞANIN AZƏRBAYCANDAKI SƏFİRİ NAXÇIVANDA SƏFƏRDƏ OLMUŞDUR
Səfər çərçivəsində səfir Muxtar Respublika Ali Məclisinin sədri Vasif Talıbov, Naxçıvan şəhər icra hakimiyyətinin başçısı Vüqar Səfərov və Azərbaycan Respublikası Xarici İşlər Nazirliyi Naxçıvan İdarəsinin rəisi Əli Əlizadə ilə görüşmüşdür. Diplomatlar Ordubad rayonunda da olmuş, sakinlərlə görüşmüşlər.
Müqəddəs ziyarətgah yeri olan Əshabi-Kəhflə və bir sıra tarixi abidələrlə tanışlıq qonaqlarda xüsusi maraq doğurmuşdur.
K.Krayevski KİV nümayəndələri üçün mətbuat konfransı keçirmişdir. Jurnalistlərin çoxsaylı suallarını cavablandıran səfir bildirmişdir ki, Polşa ilə Azərbaycan arasında sıx dostluq münasibətləri mövcuddur və bu, ildən-ilə dərinləşir.
Noyabrın 6-da parlament seçkilərinin normal, demokratik şəraitdə və sakit keçdiyini yüksək dəyərləndirən səfir Ermənistan-Azərbaycan, Dağlıq Qarabağ münaqişəsi ilə bağlı suallara da cavab vermişdir. O demişdir: ”Naxçıvana səfərim zamanı bir daha şahidi oldum ki, istər Azərbaycan, istərsə də Ermənistan bu münaqişədən çox zərər çəkir. Təmsilçisi olduğum Polşa hökuməti də hesab edir ki, bu münaqişə ancaq və ancaq sülh yolu ilə aradan qaldırıla bilər. İnanıram ki, yaxın gələcəkdə bu problem müsbət həllini tapacaqdır.”
Bölmənin digər xəbərləri
