Premyer Liqa: "Sabah" "Kəpəz"ə qalib gələrək liderlə xal fərqini azaldıb
Bakı, 6 may, AZƏRTAC
Azərbaycan Premyer Liqasında XXXIII tura start verilib.
AZƏRTAC xəbər verir ki, açılış oyununda "Sabah" Qəbələdə "Kəpəz"in qonağı olub. Qəbələ şəhər stadionunda keçirilən matçda Bakı klubu qələbə qazanıb.
Paytaxt təmsilçisindən qolları 4-cü dəqiqədə Aleksey Kaşuk, 16-cı dəqiqədə Emmanuel Apeh və 83-cü dəqiqədə Davit Volkov vurublar.
Bu qələbə ilə xallarını 77-yə çatdıran "Sabah" lider "Qarabağ"la fərqi yenidən 4-ə endirib. 29 xalı olan "Kəpəz" isə 7-ci sırada qalıb.
Qeyd edək ki, turun "Şamaxı" - "Zirə" matçı mayın 6-da, "Turan Tovuz" - "Neftçi" və "Sumqayıt" - "Səbail" görüşləri mayın 7-də, "Qarabağ" - "Qəbələ" oyunu isə mayın 8-də keçiriləcək.
Bölmənin digər xəbərləri
