Premyer Liqa: “Sabah” “Kəpəz”ə qalib gələrək 5-ci pilləyə yüksəlib
Bakı, 17 fevral, AZƏRTAC
Futbol üzrə Azərbaycan Premyer Liqasında XXIII tura start verilib.
AZƏRTAC xəbər verir ki, açılış oyununda “Sabah” evdə “Kəpəz”i qəbul edib. Görüş meydan sahiblərinin qələbəsi ilə başa çatıb - 3:2.
Hesabı 6-cı dəqiqədə qonaqların yarımmüdafiəçisi Martins Junior açıb. Bakı klubu 38-ci dəqiqədə Kahim Parrisin vurduğu baxımlı qolla tarazlığı bərpa edib. 55-ci dəqiqədə Cesse Sekidika “Sabah”ın üstünlüyünü iki topa çatdırıb. 79-cu dəqiqədə Kristian da Silva cərimə meydançasının kənarından dəqiq zərbə ilə “sarı-göylər”i 3-cü dəfə məyus edib. Görüşdə son nöqtəni isə 84-cü dəqiqədə Gəncə klubunun hücumçusu Amil Yunanov qoyub.
Bu nəticədən sonra xallarını 31-ə çatdıran “Sabah” turnir cədvəlində 5-ci pilləyə yüksəlib. 20 xalı olan “Kəpəz” isə 9-cu sırada qalıb.
Günün son oyununda “Araz-Naxçıvan” “ASCO Arena”da “Səbail”lə qarşılaşacaq. Qarşılaşmanın baş hakimi Kamran Əliyev olacaq.
Qeyd edək ki, XXIII turun “Sumqayıt” - “Turan Tovuz” və “Neftçi” - “Zirə” oyunları fevralın 18-də keçiriləcək. “Qəbələ” - “Qarabağ” oyunu isə təxirə salınıb.
Bölmənin digər xəbərləri
