Prezident İlham Əliyevin əfvlə bağlı Sərəncam imzalaması əsl humanizm nümunəsidir
Bakı, 7 aprel, AZƏRTAC
Mən Penitensiar Xidmətin 11 saylı cəzaçəkmə müəssisəsində beş il dörd aydır cəza çəkirəm. Azad olunmam barədə xəbəri eşidəndə çox sevindim. Belə bir humanist addım atdığına görə Prezident İlham Əliyevə dərin minnətdarlığımı bildirirəm.
Bu sözləri cəzasının çəkilməmiş hissəsindən azad edilən İsgəndər Məjlumov AZƏRTAC-a müsahibəsində deyib.
“Mənim 66 yaşım var. Cəza çəkdiyim müddətdə cəzaçəkmə müəssisəsinin əməkdaşları mənə hər zaman diqqət və qayğı göstəriblər. Qidalanma və məişət şəraitimiz yaxşı olub. Müəssisədə istehsalat sahəsində tikinti-təmir işləri aparılıb, yeni iş yerləri açılıb. Məhkumlardan kim istəyir onlar işlə təmin olunur. Cəzamın çəkilməmiş səkkiz il səkkiz ay müddəti qalmışdı. Sevincimin həddi-hüdudu yoxdur. Bu yüksək humanistliyə, məni ailəmə, uşaqlarıma qovuşdurduğuna görə Prezidentimizə təşəkkür edirəm. Biz dövlətimizin başçısının bu humanist addımını heç zaman unutmayacağıq, hər zaman onu dəstəkləyəcəyik”, - deyə İsgəndər Məjlumov bildirib.
Bölmənin digər xəbərləri
