Professor İbrahim Zeynalov: BDU öz inkişafında yeni mərhələni yaşayır
Bakı, 1 sentyabr, AZƏRTAC
Bu gün - sentyabrın 1-də Bakı Dövlət Universitetinin (BDU) yaranmasının 104 ili tamam olur. BDU-nun açılması Azərbaycan Xalq Cümhuriyyətinin mühüm xidmətlərindən biri olub. Universitetin yaranmasında və inkişafında tanınmış görkəmli alimlərin - V.Razumovskinin, T.Şahbazinin, R.Kaplanovun, F.X.Xoyskinin, N.Yusifbəylinin, H.Şaxtaxtinskinin, M.Rəsulzadənin və digər şəxslərin xidmətləri böyük olub.
Ulu Öndər Heydər Əliyev Bakı Dövlət Universitetinin 50 illiyində (1969-cu il 1 Noyabr) Azərbaycan dilində çıxışı zamanı qeyd edib ki, “Bakıda universitet Azərbaycan xalqının ağır günlərində, ölkədə vətəndaş müharibəsi alovlandığı bir şəraitdə yaranmışdır”.
Bu fikirləri AZƏRTAC-a müsahibəsində BDU-nun Tarix fakültəsinin dekanı, professor İbrahim Zeynalov söyləyib.
1919-cu il sentyabrın 1-də universitetin yaranması haqqında qanun qəbul edilib, noyabrın 10-da universitet şurasının ilk iclası keçirilib, noyabrın 15-də isə universitetdə ilk dərs günü elan olunub. Universitet fəaliyyətə 44 əməkdaşla, o cümlədən 12 professor, 3 dosent, 1 müəllimlə və 877 həqiqi tələbə, 217 azad dinləyici ilə fəaliyyətə başlayıb.
Bakı Dövlət Universiteti 2 fakültə ilə Tarix-Filologiya və Tibb fakültələri ilə fəaliyyətə başlamışdırsa, bu gün universitetdə 16 fakültə, 122 kafedra fəaliyyət göstərir. 25 mindən çox tələbə təhsil alır, 1500-dən çox professor-müəllim fəaliyyət göstərir ki, onlardan 250 nəfəri elmlər doktoru, professor, 800 nəfərdən çoxu fəlsəfə doktorudur.
BDU-nun keçdiyi 104 illik tarixə nəzər salarkən tam əsla deyə bilərik ki, universitet bu yüksək ada layiq olduğunu özünün bütün fəaliyyəti ilə sübut edib.
Bakı Dövlət Universitetinin elm və təhsilimizin inkişafında mühüm rolu olub. Universitetin Azərbaycanın xalq təsərrüfatı, elm, təhsil mədəniyyəti üçün yüksək ixtisaslı mütəxəssislərin böyük bir dəstəsinin, yüksək səviyyəli alimlər ordusunun hazırlanmasında xidmətləri əvəzsizdir.
Bakı Dövlət Universitetinin məzunu olmuş Ümummilli Lider Heydər Əliyev deyirdi: “Mən çox xoşbəxtəm ki, Bakı Dövlət Universitetinin məzunuyam”. Daha sonra Ulu Öndər BDU-nun qüdrətli bir ağaca bənzətmiş və qeyd etmişdir ki, Azərbaycanda fəaliyyət göstərən ali təhsil ocaqları Bakı Dövlət Universitetinin öz qol-qanadlarıdır.
Son 5 ildə 1919-2023-cü illərdə Bakı Dövlət Universiteti rektor Elçin Babayevin rəhbərliyi ilə öz inkişafında yeni mərhələni yaşayır, elmin, təhsilin idarəetmənin müasir beynəlxalq təcrübələrə uyğun olaraq daha yüksək səviyyədə inkişaf etdirilməsi ilə bağlı islahatlar, yenidənqurmalar, struktur dəyişiklikləri aparılır, elm istiqamətlər müəyyən edilir, müasir tələblərə cavab verən laboratoriyalar, elmi tədqiqat mərkəzləri və s. yaradılır”, - deyə alim bildirib.
Bölmənin digər xəbərləri
