PROKURORLUQ RADİKAL VAHABİLİK TƏZAHÜRLƏRİNƏ QARŞI MÜBARİZƏNİ GÜCLƏNDİRİR
Respublika Baş Prokurorluğundan AZƏRTAC-a verilən məlumata görə, son zamanlar Azərbaycanda dini fanatizm və ekstremizm, radikal separatçılıq ideyaları təbliğ edən və bu istiqamətdə real iş görən islam dini yönümlü bir sıra beynəlxalq təşkilatların, həmçinin vəhabilik tərəfdarlarının qanunsuz fəallaşması hiss olunur. Azərbaycanın Milli Təhlükəsizlik Nazirliyi tərəfindən konkret cinayət işinin istintaqı gedişində radikal vəhabilərlə sıx əlaqəli olan və Gürcüstanın Axmeti rayonunun Duisi kəndində qanunsuz silahlı birləşmələrin tərkibində fəaliyyət göstərən şəxslərdən ibarət cinayətkar qrupun dövlət sərhədlərindən qanunsuz keçərək respublikamıza çoxsaylı silah və döyüş sursatı gətirdikləri müəyyən edilmişdir. Həmin sursatlar qrupun Bakı şəhəri, Ağstafa və Tərtər rayonları ərazilərində yaşayan üzvlərinin evlərindən axtarış aparılan zaman götürülmüşdür.
Prokurorluq hüquq mühafizə orqanları ilə əlaqəli şəkildə radikal vəhabilik təzahürlərinə qarşı mübarizənin gücləndirilməsi istiqamətində qabaqlayıcı tədbirləri davam etdirir.
Bölmənin digər xəbərləri
