QAÇAQMALÇININ “GİZLİ PLANI” BAŞ TUTMADI
Dövlət Gömrük Komitəsinin mətbuat xidmətindən AZƏRTAC-a bildirmişlər ki, Milli Təhlükəsizlik Nazirliyinin əməkdaşları ilə birgə keçirilmiş əməliyyat nəticəsində, Azərbaycan vətəndaşı Həsənqulu Nəcəfovun idarə etdiyi “Kamaz” markalı yük avtomaşını “Propan” maye qazını daşımaq üçün nəzərdə tutulmuş qoşqu-çəni ilə birlikdə Biləsuvar gömrük sərhəd keçid məntəqəsində saxlanılmışdır. Bəyannamədə həmin qoşquda guya 16 ton 480 kiloqram maye qazın olması göstərilmişdir.
DGK-nın Qaçaqmalçılıq və Gömrük Qaydalarının Pozulması ilə Mübarizə İdarəsinin əməkdaşları tərəfindən qoşqu-çənə baxış zamanı gizli saxlanc yerindən maye qaz əvəzinə, 20 ton 529 kiloqram müxtəlif növ metal qırıntısı, mis və alüminiumdan hazırlanmış 387 ədəd külçə və sarı metal qablarda 141 kiloqram qara kürü aşkarlanmışdır.
Fakt üzrə təhqiqat aparılır.
Bölmənin digər xəbərləri
