Qadın voleybol klubları arasında “Bahar Kuboku” yarışı keçiriləcək
Bakı, 16 mart, AZƏRTAC
Martın 17-də Azərbaycan Voleybol Federasiyasının idman zalında Novruz bayramına həsr olunan “Bahar Kuboku” yarışına start veriləcək.
AZƏRTAC federasiyanın mətbuat xidmətinə istinadla xəbər verir ki, qadın voleybolçular arasında təşkil olunacaq yarışda Azərbaycan Super Liqasının iştirakçıları - “Azərreyl”, “Murov”, “Abşeron” və UNEC komandaları mübarizə aparacaqlar.
Yarış iki gün davam edəcək. Püşkə əsasən, yarış “Azərreyl” - “Abşeron” matçı ilə start götürəcək. Görüş saat 14:00-da başlayacaq. Saat 16:00-da “Murov” UNEC-i sınağa çəkəcək.
Reqlamentə əsasən, qalib gələn komandalar birinci, məğlub olanlar isə üçüncü yer uğrunda mübarizə aparacaqlar. Hər iki matç martın 18-də keçiriləcək.
Bölmənin digər xəbərləri
