Qadınlar arasında şahmat üzrə seçmə turnirdə vahid lider müəyyənləşib
Bakı, 7 aprel, AZƏRTAC
Azərbaycan Şahmat Federasiyasının mənzil-qərargahında keçirilən qadınlar arasında Azərbaycan çempionatına vəsiqə uğrunda seçmə turnir davam edir.
Federasiyadan AZƏRTAC-a bildiriblər ki, 4 turdan sonra FIDE ustası Xatun Bağırova maksimum xalla vahid liderdir. Lalə Hüseynova isə liderdən yarım xal az toplayaraq ikinci yerdə qərarlaşıb. Ləman Hacıyeva və Naxçıvan təmsilçisi Nazlı Hümbətova hərəyə 3 xal əldə edərək 3-4-cü yerləri bölüşürlər.
Qeyd edək ki, İsveçrə sistemi üzrə keçirilən və 7 turdan ibarət olan yarış aprelin 9-da başa çatacaq.
İyirmi şahmatçının iştirak etdiyi seçmə turnirin qalibi qadınlar arasında Azərbaycan çempionatının finalına vəsiqə qazanacaq.
Bölmənin digər xəbərləri
