İQTİSADİYYAT
Qara metal və ondan hazırlanan məmulatlar ixracı azalıb
![Qara metal və ondan hazırlanan məmulatlar ixracı azalıb](/files/2023/3/1200x630/16950375542012357152_1200x630.jpg)
Bakı, 18 sentyabr, AZƏRTAC
Bu ilin yanvar-avqust aylarında 83,8 min ton qara metal və ondan hazırlanan məmulatlar ixrac edilib.
AZƏRTAC Dövlət Gömrük Komitəsinə istinadla xəbər verir ki, ixrac edilən qara metal və ondan hazırlanan məmulatların dəyəri 78,6 milyon dollar olub. Xatırladaq ki, 2022-ci ilin müvafiq dövründə dəyəri 97,5 milyon dollar olmaqla 106,9 min ton qara metal və ondan hazırlanan məmulatlar ixrac edilib.
Hesabat dövründə 363,3 min ton plastmas və ondan hazırlanan məmulatların ixracı həyata keçirilib. İxrac edilən plastmas və ondan hazırlanan məmulatların dəyəri 331,2 milyon dollar olub. Ötən ilin eyni dövründə dəyəri 241,1 milyon dollar olmaqla, 212,5 min ton plastmas və ondan hazırlanan məmulatlar ixrac edilib.
Bu ilin səkkiz ayında 51 min ton alüminium və ondan hazırlanan məmulatlar ixrac olunub. İxracın dəyəri 134,9 milyon dollar təşkil edib. Keçən ilin müvafiq dövründə dəyəri 152,7 milyon dollar olan 42 min ton alüminium və ondan hazırlanan məmulatlar ixrac edilib.