QAXDA İŞ YERLƏRİNİN SAYI ARTIB
Dövlət Proqramının icrası ilə əlaqədar Qax rayonu üzrə nəzərdə tutulan tədbirlər planına uyğun olaraq, əhalinin məşğulluğunun təmin edilməsi, habelə rayonda süfrə suları istehsalının genişləndirilməsi, yerli xammaldan istifadənin səmərəsinin artırılması və emal sənayesinin inkişaf etdirilməsi məqsədi ilə son iki ildə 7 mineral sudoldurma sexi, bir qum-çınqıl zavodu, 4 qum karxanası, 5 fındıq emalı müəssisəsi və 3 un dəyirmanı istifadəyə verilmiş, kərpic zavodunda məhsul buraxılışına başlanılmışdır. Bundan əlavə, cari ildə istifadəyə verilmiş “Uludağ”, “Yaşıl park” və “Güləşçi” turizm-istirahət mərkəzləri yay aylarında ilk qonaqları qəbul etmişdir.
Hazırda rayonda un məmulatları və makaron istehsalı zavodunun və müasir tipli mineral sudoldurma sexinin tikintisi davam edir.
Bölmənin digər xəbərləri
