QAZ TƏSƏRRÜFATI YENİDƏN QURULUR
“Azəriqaz” Qapalı Səhmdar Cəmiyyətindən AZƏRTAC-ın müxbirinə bildirmişlər ki, respublika əhalisini, həmçinin fəaliyyətdə olan sənaye obyektlərini fasiləsiz və təhlükəsiz təbii qazla təchiz emək üçün genişmiqyaslı təmir-bərpa işləri görülməklə yanaşı, yeni obyektlər də tikilir.
Qalmaz anbarına vurulan qazın həcminin artması ilə əlaqədar Səngəçal baş qaz qurğusundan anbara qədər 21 kilometrlik kəmərin tikintisi başa çatdırılmış, Əli Bayramlı və Masallı qazpaylayıcı stansiyaları isə cari ilin əvvəlində istifadəyə verilmişdir.
Qaradağ və Digah qazpaylayıcı stansiyalarının uzunmüddətli istismar nəticəsində aşınmaya məruz qalan şəbəkələri də yenidən qurulur. Bundan əlavə, Abşeron rayonunun qaz şəbəkəsində yararsız hala düşmüş borular daxili imkanlar hesabına dəyişdirilir. Qaradağdakı qaz anbarına çəkiləcək yüksək təzyiqə davamlı 3 kilometrlik birləşdirici magistral kəmərin inşasına isə yenicə başlanmışdır. Obyektin istifadəyə verilməsi vaxtı dəqiqləşdirilməmişdir, çünki lazım olan avadanlıq Rusiyadan gətirilməlidir. Hazırda “Azəriqaz” bu istiqamətdə müvafiq iş aparır.
Bölmənin digər xəbərləri
