QAZAXISTAN 2009-CU İLDƏ ATƏT-İN SƏDRİ OLA BİLƏR
AZƏRTAC-ın xüsusi müxbiri xəbər verir ki, Qazaxıstanda səfərdə olan Avropa Şurası Parlament Assambleyasının (AŞPA) sədri Rene van der Lindenin ölkə parlamenti aşağı palatasının spikeri Ural Muxamedcanovla görüşündə ikitərəfli münasibətlərin genişləndirilməsi məsələləri müzakirə olunmuşdur. Görüşdə Qazaxıstanın 2009-cu ildə Avropada Təhlükəsizlik və Əməkdaşlıq Təşkilatının (ATƏT) sədri olmaq üçün bu quruma müraciəti ilə bağlı geniş söhbət aparılmışdır. AŞPA-nın sədri bildirmişdir ki, ATƏT-in üzvü olan ölkələr Qazaxıstanın bu təşkilatın sədri olmasına prinsipcə etiraz etməməlidirlər.
Qeyd olunmuşdur ki, Qazaxıstanın müraciətinə bu ilin sonunda baxılacaqdır.
Bölmənin digər xəbərləri
