Qazaxıstan dünyanın turizm xəritəsində mövqeyini möhkəmləndirir
Astana, 21 aprel, AZƏRTAC
2024-cü ildə Qazaxıstana işləmək və ya daimi yaşamaq üçün gələnlər istisna olmaqla, 15,3 milyon xarici vətəndaş bu ölkəni turist qismində ziyarət edib.
AZƏRTAC Qazaxıstan Turizm və İdman Nazirliyinin mətbuat xidmətinə istinadla xəbər verir ki, ölkəyə gələnlərin 10,4 milyon nəfəri burada bir gündən artıq qalıb ki, bu da onları xarici turist kateqoriyasına aid etməyə imkan verir. Orta qalma müddəti isə 4 gün olub.
Qazaxıstana ən çox turist Çindən gəlib. Çinli qonaqların sayı 655 min nəfərə çatıb ki, buna vizasız rejim və hava nəqliyyatı imkanlarının genişlənməsi kömək edib.
Sonrakı yerlərdə Hindistan (146 min), Türkiyə (130 min), Almaniya (92 min) və Cənubi Koreya (40 min) qərarlaşıb.
Qazaxıstana turist axınının artmasına təkan verən əsas amillər birbaşa uçuşların mövcudluğu, sadələşdirilmiş viza rejimi, həmçinin bu ölkənin təbiətinə, milli mətbəxinə və mədəni irsinə marağın artmasıdır.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
