Qazaxıstan və Aİ Orta Dəhlizin inkişafını müzakirə edib
Astana, 10 iyul, AZƏRTAC
Qazaxıstan və Avropa İttifaqı Transxəzər Beynəlxalq Nəqliyyat Marşrutunun (Orta Dəhliz) inkişafını müzakirə edir.
Bu barədə AZƏRTAC Qazaxıstan Respublikası Baş nazirinin mətbuat xidmətinə istinadən məlumat verir.
"Qazaxıstanın Baş naziri Oljas Bektenovun sədrliyi ilə Aİ-nin Qazaxıstandakı səfiri Kestutis Yankauskas və Aİ ölkələrinin diplomatik missiya rəhbərlərinin iştirakı ilə "Qazaxıstan-Aİ" dialoq platformasının 15-ci iclası keçirilib. Ən perspektivli istiqamətlərdən biri kimi Trans-Xəzər Beynəlxalq Nəqliyyat Marşrutunun (TBNM) inkişafı planları müzakirə olunub", - deyə məlumatda bildirilir.
Qeyd olunur ki, Qazaxıstan Avropa və Asiya arasında tranzit mərkəzi rolunu oynayır. "TBNM ən rəqabətqabiliyyətli çatdırılma müddəti (12-15 gün) ticarət axınları üçün maksimum cəlbediciliyi təmin edir", - deyə hökumət əlavə edib.
Görüş iştirakçıları Orta Dəhlizin geniş potensialının açılmasında maraqlı olduqlarını bildiriblər.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
