Qazaxıstanda paytaxt günü və Nursultan Nazarbayevin ad günü qeyd edilir
Nur-Sultan, 6 iyul, AZƏRTAC
Bu gün Qazaxıstanda paytaxtın elan olunması və sabiq Prezident Nursultan Nazarbayevin ad günü qeyd edilir.
AZƏRTAC xəbər verir ki, bununla bağlı tədbirlər koronavirus pandemiyası səbəbindən onlayn formada keçirilir.
Xatırladaq ki, 1994-cü ildə Nursultan Nazarbayevin təklifi ilə paytaxt Almatıdan Akmola şəhərinə köçürülüb. 1997-ci ildə Akmola paytaxt elan olunub. 1998-ci ildə isə Akmola Astana adlandırılıb.
2019-cu ilin mart ayında Astana şəhərinin adı dəyişdirilərək Qazaxıstanın ilk Prezidenti Nursultan Nazarbayevin şərəfinə Nur-Sultan adlandırılıb.
Bu gün həm də Qazaxıstanda Elbası Nursultan Nazarbayevin ad günü qeyd edilir. Onun 80 yaşı tamam olur.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
