Qəbələ rayonunda tanışını qəsdən öldürməkdə şübhəli bilinən şəxs tutulub
Bakı, 12 oktyabr, AZƏRTAC
Oktyabrın 9-da saat 21 radələrində Qəbələ rayonunun Tikanlı kənd sakini 1987-ci il təvəllüdlü̈ Sənur Ağahüseynovun üzərində çoxsaylı bıçaq xəsarətləri olan meyitinin həmin kəndə yaxın ərazidə aşkarlanması faktı ilə bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Rayon prokurorluğunun AZƏRTAC-a daxil olan məlumatında bildirilib ki, peşəkarlıqla həyata keçirilmiş təxirəsalınmaz istintaq və əməliyyat-axtarış tədbirləri nəticəsində cinayətin zərərçəkmişin tanışı, Qəbələ rayonunun Uludaş kənd sakini 2003-cü il təvəllüdlü Kənan Mustafayev tərəfindən şəxsi münasibətlər zəminində aralarında yaranmış mübahisə ilə əlaqədar törədilməsi müəyyənləşib.
Kənan Mustafayev şübhəli şəxs qismində tutularaq istintaqa cəlb olunub.
Hazırda iş üzrə zəruri istintaq tədbirləri davam etdirilir.
Bölmənin digər xəbərləri
