QƏRB YARIMKÜRƏSİNİN ƏN QƏDİM YAZISI TAPILMIŞDIR
Verakrusdakı qayanın üzərindəki yazılarda 28 rəmzdən istifadə edilmişdir. Ümumilikdə 62 işarədən ibarət yazını üfqi istiqamətdə, soldan sağa oxumaq lazımdır. Yazının dili və təbii ki, məzmunu məlum deyildir.
Alimlər Verakurs yazılarına bənzər heroqliflərə hələ rast gəlməmişlər. Rəmzlərin bəziləri eramızdan əvvəl XII-V əsrlərdə Cənubi və Mərkəzi Meksikada yaşamış olmeklərin yazılarını xatırladır. Amerikada eramızdan əvvəl 1-ci minilliyin ortalarına aid edilən ən qədim yazılar məhz olmeklərə məxsusdur. Tədqiqatçıların bəziləri yazıların e. ə. X əsrə aid olmasına şübhə ilə yanaşmışlar, çünki daş karxanadan tapılmışdır və deməli, onun arxeoloji kontekstini dəqiq hesab etmək olmaz. Lakin qayanı tədqiq edən alimlər qrupu onun əsilliyinə əmindirlər.
Bölmənin digər xəbərləri
