Qeyri neft-qaz məhsullarının ixracı artıb
Bakı, 16 sentyabr, AZƏRTAC
Yanvar-iyul aylarında qeyri neft-qaz məhsullarının ixracı ötən ilin yanvar-iyul ayları ilə
müqayisədə faktiki qiymətlərlə 17,8 faiz, real ifadədə 14,2 faiz artaraq 2006,9 milyon dollara bərabər olub.
Dövlət Statistika Komitəsindən AZƏRTAC-a bildirilib ki, qeyri neft-qaz məhsulları üzrə ixracın dəyərində Rusiyaya (32,0 faiz), Türkiyəyə (27,7 faiz), Gürcüstana (9,9 faiz), İsveçrəyə (4,1 faiz), Qazaxıstana (3,3 faiz), Türkmənistana (2,6 faiz), Ukraynaya (2,0 faiz), Birləşmiş Ərəb Əmirliklərinə (1,7 faiz), Özbəkistana (1,3 faiz), Latviyaya (1,2 faiz), İtaliyaya (1,2 faiz), Rumıniyaya (1,2 faiz), Çinə (1,2 faiz), Almaniyaya (1,0 faiz), Qırğızıstana (1,0 faiz) göndərilmiş malların payı üstünlük təşkil edib.
Bölmənin digər xəbərləri
