Qidalanma rejiminin izlənilməsi ilə yaşlı insanların sağlamlıq problemlərini erkən aşkarlamaq olar - ARAŞDIRMA
Bakı, 5 sentyabr, AZƏRTAC
Alimlər müəyyən ediblər ki, insanların qidalanma vaxtı sağlamlıq və ömür uzunluğu ilə sıx bağlıdır.
AZƏRTAC “Science Daily” saytına istinadla xəbər verir ki, Amerika Birləşmiş Ştatlarının Massaçusets Ümumi Xəstəxanasının və İzmir Texnologiya İnstitutunun alimlərinin araşdırmasına görə, yaşlı insanlarda səhər yeməyinin gecikməsi depressiya, yorğunluq, yuxu problemləri, daha zəif ağız sağlamlığı yarada və ölüm riskini artıra bilər.
Tədqiqat 20 ildən çox müddətdə Böyük Britaniyada yaşayan 42-94 yaş arasında olan 2 min 945 nəfərin məlumatlarına əsaslanıb. Nəticələr göstərib ki, insanlar yaşlandıqca yeməklərini daha gec yeyir və gün ərzində qidalanma vaxtı pəncərəsi daralır.
Mütəxəssislər hesab edirlər ki, qidalanma saatlarını izləməklə yaşlılarda sağlamlıq problemlərini erkən aşkarlamaq mümkündür. Qidalanma rejiminə ardıcıl əməl etmək isə sağlam qocalma və uzunömürlülük üçün vacibdir.
Araşdırma “Communications Medicine” jurnalında dərc olunub.
Bölmənin digər xəbərləri
