Qırğızıstanda koronavirusa yoluxanların sayı 14 nəfər artıb
Bişkek, 4 aprel, АZƏRTAC
Son sutka ərzində Qırğızıstanda COVID-19 koronavirusuna yoluxanların sayı 14 nəfər artaraq 144-ə çatıb.
AZƏRTAC xəbər verir ki, bunu Qırğızıstan Səhiyyə Nazirliyinin səlahiyyətli nümayəndəsi Kasımbek Mambetov Bişkekdə keçirdiyi brifinqdə deyib. O bildirib ki, son 24 saat ərzində koronavirusa ən çox Cəlalabad vilayətində yoluxma halı qeydə alınıb - 6 nəfər. İndiyədək koronavirusa tutulan 9 xəstə sağalaraq evə buraxılıb, 4 nəfər isə ağır vəziyyətdə reanimasiya şöbəsindədir, bir xəstə ölüb.
Ölkədə 9 tibb işçisi koronavirusa yoluxub və onlar da digər xəstələr kimi müalicəni davam etdirirlər. Hazırda ölkədə karantində 2 minə yaxın insan var.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
