Qısamüddətli notların yerləşdirilməsi üzrə hərrac keçirilib
Bakı, 6 mart, AZƏRTAC
Martın 6-da Bakı Fond Birjasında (BFB) Azərbaycan Mərkəzi Bankının (AMB) 50200779S dövlət qeydiyyat nömrəli, 50 milyon manat həcmində, 84 gün tədavül müddətli qısamüddətli notlarının yerləşdirilməsi üzrə hərrac keçirilib.
BFB-dən AZƏRTAC-a bildirilib ki, hərrac zamanı 11 investor tərəfindən qiymət intervalı 98.4381 AZN (6.8 faiz) və 99.3245 AZN (2.91 faiz) olan 18 sifariş təqdim edilib. Sifarişlərin nominal qiymətlə ümumi məbləği 217 milyon 519 min 200 AZN olub. AMB-nin qərarına əsasən, notların kəsmə qiyməti 99.1815 AZN (3.54 faiz), orta ölçülmüş qiyməti 99.2062 AZN (3.43 faiz) müəyyən edilib. Hərrac nəticəsində notların yerləşdirilmiş həcmi 50 milyon AZN-dir. Notlar iyunun 1-də ödəniləcək.
Bölmənin digər xəbərləri
