Qiymətli metal hasilatçısından çoxprofilli mədən şirkətinə...
“AzerGold” əmin addımlarla irəliləyir!
Mütərəqqi beynəlxalq təcrübə əsasında fəaliyyətini uğurla davam etdirən “AzerGold” QSC qiymətli metal hasilatçısından çoxprofilli mədən şirkətinə çevrilib.
QSC-dən AZƏRTAC-a bildirilib ki, 8 il əvvəl 1 qızıl yatağı – “Çovdar” yatağı ilə fəaliyyətə başlayan “AzerGold” bu gün çoxşaxəli fəaliyyət istiqamətlərinə malik şirkət olub. Azərbaycan Respublikasının Prezidenti İlham Əliyevin müvafiq sərəncamları ilə QSC-yə 2020-ci ildən etibarən əlvan metallarla yanaşı, qara metal filizi yataqları ilə bağlı vəzifələr həvalə olunub. 2021-ci ildən isə dövlət-özəl sektor tərəfdaşlığı modeli əsasında ölkəmizdə ilk dəfə sənaye əhəmiyyətli partlayıcı maddələrin istehsalı üzrə fəaliyyət təşkil edilib. Dövlətimizin artan etimadının nəticəsi olaraq səhmdar cəmiyyətə hasilatın pay bölgüsü haqqında beynəlxalq müqavilədə Azərbaycan dövlətini təmsil etmək səlahiyyəti verilib, Ekologiya və Təbii Sərvətlər Nazirliyi ilə birgə ölkə üzrə ümumi geoloji axtarış proqramının icrası tapşırılıb.
Bölmənin digər xəbərləri
