Qubada ölümlə nəticələnən qəza ilə bağlı TƏBİB-dən açıqlama
Quba, 5 dekabr, Elxan Yusifli, AZƏRTAC
TƏBİB Qubada ölümlə nəticələnən ağır yol-nəqliyyat hadisəsi ilə bağlı açıqlama verib.
AZƏRTAC xəbər verir ki, məlumatda görə, dekabrın 5-i saat 10:30 radələrində Bakı-Quba-Rusiya Federasiyası avtomobil yolunun Quba rayonu ərazindən keçən hissəsində baş verən yol-nəqliyyat hadisəsi səbəbi ilə 1 nəfər (kişi) Quba Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
1998-ci il təvəllüdlü şəxsə həyatla uzlaşmayan müştərək travma, baş-beynin qapalı ağır dərəcəli əziyi, aqonal vəziyyət diaqnozu təyin olunub. Göstərilən bütün zəruri reanimasiya tədbirlərinə və həkimlərin çoxsaylı səylərinə baxmayaraq, saat 10:50 radələrində pasiyentin bioloji ölüm faktı qeydə alınıb.
Meyit müayinə olunması üçün Məhkəmə-Tibbi Ekspertiza və Patoloji Anatomiya Birliyinin Quba rayon şöbəsinə təhvil verilib.
Bölmənin digər xəbərləri
