Ramin Bayramlı: Azərbaycana 10 mindən çox COVID-19 anticisim testi gətirilib
Bakı, 19 iyun, AZƏRTAC
Ölkəmizə 10 mindən çox COVID-19 anticisim testi gətirilib. Proses hazırda davam etdirilir.
AZƏRTAC xəbər verir ki, bunu Nazirlər Kabineti yanında Operativ Qərargahın təşkil etdiyi brifinqdə Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı deyib.
“İlk növbədə, xəstəlik keçirən şəxslər arasında skrinniq aparılır. Onun nəticələrinin elmi təhlilinə əsaslanaraq COVID-19 pasportunun hazırlanması, xəstəliyə yoluxanların immun cavabının hansı vəziyyətdə olması barədə çalışmalar davam etdiriləcək”, - deyə R.Bayramlı qeyd edib.
Bölmənin digər xəbərləri
