Ramin Musayev: “Qarabağ”la oyunda “Neftçi”yə şans vermirəm
Bakı, 20 sentyabr, AZƏRTAC
“Bu oyunu derbi adlandırmazdım. Komandaların turnir cədvəlindəki mövqeləri bunu deməyə əsas verir”.
Bu sözləri AZƏRTAC-a açıqlamasında Peşəkar Futbol Liqasının keçmiş prezidenti Ramin Musayev bu gün Misli Premyer Liqasının VII turunda keçiriləcək “Qarabağ” – “Neftçi” derbisi barədə danışarkən deyib.
Funksioner bugünkü matçda “ağ-qaralar”a şans vermədiyini bildirib: “Hazırkı durumda ölkə çempionatında “Qarabağ” – “Zirə” matçını derbi adlandırmaq olar. “Neftçi” rəhbərliyinə və Roman Qriqorçuka böyük hörmətim var. Fikrimcə, ukraynalı mütəxəssisə vaxt və sərbəstlik verilməlidir. Mən uşaqlıqdan “Neftçi” azarkeşiyəm. Komandanın hazırkı vəziyyəti məni məyus edir. Ümid edirəm ki, tezliklə hər şey düzələcək”.
Qeyd edək ki, “Azersun Arena”da keçiriləcək “Qarabağ” - “Neftçi” görüşü saat 20:00-da başlayacaq. Rəqibindən 1 oyun az keçirən Ağdam təmsilçisi 12 xalla 2-ci pillədə qərarlaşıb. 4 xalı olan Bakı klubu isə 9-cu sıradadır.
Bölmənin digər xəbərləri
