“Barselona” braziliyalı hücumçu ilə müqavilənin müddətini uzadıb
Bakı, 6 oktyabr, AZƏRTAC
İspaniyanın “Barselona” klubu braziliyalı futbolçusu Rafinya ilə müqavilənin müddətini uzadıb.
AZƏRTAC xəbər verir ki, bu barədə italiyalı insayder Fabrizio Romano məlumat yayıb. Bildirilir ki, futbolçu ilə Kataloniya klubu arasında yeni müqavilə 2030-cu ilin iyununadək qüvvədə olacaq. Razılaşmanın bütün detalları, o cümlədən futbolçunun nümayəndələri və hüquqşünasların iştirakı ilə aparılan danışıqlar tam şəkildə razılaşdırılıb və yekunlaşdırılıb.
Rəsmi açıqlamanın bu həftə veriləcəyi gözlənilir. Sənədləşmə prosesi uğurla başa çatarsa, imzalanma mərasimi cümə günü təşkil oluna bilər.
Qeyd edək ki, Rafinya “Barselona”nın heyətində 185 oyuna çıxıb, 89 qol vurub və 62 məhsuldar ötürmə verib.
Bölmənin digər xəbərləri
