Rəcəb Tayyib Ərdoğan: Türkiyə xarici enerji resurslarından asılılığı aradan qaldıracaq
Bakı, 21 dekabr, AZƏRTAC
Türkiyə xarici enerji resurslarından asılılığı tamamilə aradan qaldırmaq niyyətindədir.
AZƏRTAC Türkiyə telekanallarına istinadla xəbər verir ki, bunu Prezident Rəcəb Tayyib Ərdoğan parlamentdə çıxışı zamanı deyib.
“Biz enerji gücümüzü üç dəfədən çox artırmışıq, daxili və bərpa olunan enerji gücümüzü isə 65 faizə çatdırmışıq, həmçinin 81 əyalətə təbii qaz gətirmişik. Qarşıdakı dövrdə xarici enerji resurslarından asılılığımızı tamamilə aradan qaldıracağıq”, - deyə Rəcəb Tayyib Ərdoğan bildirib.
Türkiyə Prezidenti qeyd edib ki, bu məqsədə Qara dənizdə yeni qaz yatağının işlənməsi və Rusiyanın “Rosatom” dövlət korporasiyası tərəfindən tikilən ilk atom elektrik stansiyasının işə salınması sayəsində nail olunacaq.
Bölmənin digər xəbərləri
