REGİONLARDA CƏZAÇƏKMƏ MÜƏSSİSƏLƏRİ İNŞA EDİLİR
Ədliyyə Nazirliyindən AZƏRTAC-a bildirmişlər ki, cəzaçəkmə müəssisələrinin respublika paytaxtından regionlara köçürülməsi ilə bağlı tədbirlər görülür. Hazırda Şəkidə 15 hektar sahədə 900 yerlik qarışıq rejimli cəzaçəkmə müəssisəsi üçün bina inşa edilir. Lənkəran və Naxçıvanda da müasir tələblərə cavab verən belə müəssisələrin tikintisinə başlanmışdır.
Yeni müəssisələr bir tərəfdən məhkumların cəzalarını öz yaşadıqları regionda çəkmələrinə imkan verəcək, yaxınlarının onlarla görüşə gəlib-getməsini asanlaşdıracaq, həm də belə obyektlərin paytaxtda cəmləşməsinin qarşısını alacaqdır.
Bölmənin digər xəbərləri
