REGİONLARIN İNKİŞAFINDA ALİMLƏRİN DƏ QÜVVƏSİ SƏFƏRBƏRLİYƏ ALINACAQ

27.02.2004 [13:31]
Çap et
A⁺ A^-

Kənd Təsərrüfatı Akademiyasında Azərbaycan Respublikası regionlarının sosial-iqtisadi inkişafı haqqında Dövlət Proqramının həyata keçirilməsi ilə bağlı akademiyanın üzərinə düşən vəzifələrə həsr olunmuş yığıncaq keçirilmişdir.

AZƏRTAC-ın müxbiri xəbər verir ki, yığıncaqda təhsil ocağının rektoru akademik Məmmədtağı Cəfərov çıxış edərək, Dövlət proqramında aqrar sahədə nəzərdə tutulan işlərin görülməsində kollektivin qarşısında duran vəzifələrdən danışmışdır. Sonra akademiya alimlərinin təbii sərvətlərdən istifadənin texnoloji əsasları, yetişdirilən məhsulun ziyanvericilərdən qorunması, habelə dağ rayonlarında torpaq eroziyasına qarşı aparılacaq kompleks tədbirlər mövzularında məruzələr dinlənilmişdir.

Yığıncaqda emal müəssisələrinə və kəndli-fermer təsərrüfatlarına sistemli elmi tövsiyələr verilməsindən də ətraflı söhbət getmişdir.

Axırda müvafiq tədbirlər planı təsdiq edilmişdir.