RƏSMİ KİYEV SEPARATÇI DNESTRYANI BÖLGƏDƏ NƏZƏRDƏ TUTULAN PARLAMENT SEÇKİLƏRİNİ TANIMAYACAQ
AZƏRTAC-ın xüsusi müxbiri Ukraynadakı mənbələrə istinadla xəbər verir ki, Prezident Viktor Yuşşenko noyabrın 15-də Parisdəki Beynəlxalq Münasibətlər İnstitutunda Fransanın siyasi və işgüzar dairələrinin nümayəndələri ilə görüşündə bildirmişdir ki, onun ölkəsi bir ay sonra Dnestryanı bölgədə keçiriləcək parlament seçkilərini tanımayacaq və hesab edir ki, bu seçkiləri ATƏT-in himayəsi ilə gələn il keçirmək lazımdır. O demişdir: “Biz Dnestryanı bölgədə seçkilərin yalnız ATƏT-in himayəsi ilə keçirilməsi təşəbbüsünü dəstəkləyirik”.
Ukrayna Prezidenti vurğulamışdır ki, onun ölkəsi bir çox məsələlərdə, o cümlədən Dnestryanı problemin nizama salınması məsələsində regional lider rolunu oynamağa çalışır.
Bölmənin digər xəbərləri
