RESPUBLİKA “AQROSERVİS” ASC-NİN İSMAYILLI FİLİALI FƏALİYYƏTİNİ GENİŞLƏNDİRİR
İsmayıllı, 23 noyabr (AZƏRTAC). “Aqroservis” ASC-nin İsmayıllı rayon filialında hazırda 132 ədəd müxtəlif markalı kənd təsərrüfatı texnikası, o cümlədən 19 kombayn, ayrı-ayrı markalı 32 şum traktoru vardır.
Bu yaxınlarda daha 10 ədəd yeni texnika gətirilmişdir. Bu texnikanın qüvvəsi ilə hazırda rayonda kənd təsərrüfatı işlərinin 60 faizini görmək mümkündür.
Ismayıllı aqroservis filialının Kürdmaşı, Hacıhətəmli və Qubaxəlilli kəndlərində mexanikləşdirilmiş dəstələri yaradılmışdır. Bu, həmin ərazilərdə əkinçiliklə məşğul olan fermerlər və fiziki şəxslər üçün çox sərfəlidir. Çünki, əkinçilər istədikləri vaxtda istənilən texnikanı əldə etmək imkanı qazanmışlar.
Əvvəllər Kəlbənd kəndində yerləşən aqroservis filialı artıq İsmayıllı şəhərinin ərazisinə köçürülür. Bu məqsədlə 2 hektar torpaq sahəsi də ayrılmışdır. Burada nəinki texnikanın saxlanması üçün qarajlar, habelə təmir emalatxanası və gübrə anbarı da inşa olunur.
Bölmənin digər xəbərləri
