Reyçel de Souza: Britaniyada uşaqlar “Dikkens dilənçiləri” kökündə yaşayır
Bakı, 8 iyul, AZƏRTAC
Böyük Britaniyada məhrumiyyətin normal hala çevrildiyi şəraitdə uşaqlar “Dikkens dilənçiləri” kökündə yaşayırlar.
AZƏRTAC Britaniyanın “The Guardian” qəzetinə istinadla xəbər verir ki, bu barədə iki uşağa verilən müavinətin ölçüsünə qoyulan məhdudiyyətin ləğvində israrlı olan uşaq hüquqları üzrə müvəkkil Reyçel de Souza bildirib.
Duş qəbul etməyə su tapmadıqlarını, siçovulların divarları gəmirdiyini, yataq otaqlarını kif basdığını deyən gənclər ölkəni bürümüş “məhrumiyyət böhranı” ilə bağlı hesabatdan bir neçə nümunədir.
Reyçel de Souza qeyd edib ki, o, dörd il əvvəl - uşaq hüquqları müvəkkili olduqdan sonra gənclərin həyatına dair ritorikada əhəmiyyətli bir dəyişik müşahidə edib və ənənəvi olaraq, böyüklərin problemi hesab edilən məsələlər indi uşaqlar tərəfindən kəskin şəkildə hiss olunur”.
Müvəkkil vurğulayıb: “Bəzi uşaqlar demək olar ki, Dikkensin dilənçiləri səviyyəsinə çatan və ürək ağrıdan məhrumiyyət hekayələrini paylaşır. Onlar “yoxsulluq” haqqında mücərrəd bir anlayış kimi danışmırlar, lakin insanların çoxu üçün zəruri hesab edilən həyat şəraitinə malik olmadıqlarından bəhs edirlər. Bu azyaşlılar kateqoriyası çirk və siçovullardan təmizlənmiş təhlükəsiz ev, uzanmaq üçün kifayət qədər böyük çarpayı, donuz əti kimi “lüks” yeməklər, ev tapşırığı etmək üçün yer, istilik, vanna otağında uyğun şərait və dostları ilə saatlarla məktəbdə olmağı arzulayır”.
Hesabatda deyilir ki, belə bir vəziyyət uşaqların bu qeyri-adekvat şəraiti nə dərəcədə normal qəbul etmələri və ya hüquqlara malik olduqları ilə bağlı narahatlıq doğuracaq səviyyədə cüzi ümidlərə sahib olması ilə əlaqədardır. Müvəkkil deyib ki, dünyanın ən zəngin cəmiyyətlərindən birində hakimiyyətdə olanlar uşaqların gələcəyinin onların maddi vəziyyəti ilə əlaqəli olduğunu bilərək belə ağır mənzərəyə görə utanmalıdırlar. Son rəqəmlərə görə, 2024-cü ildə Böyük Britaniyada rekord həddə - 4,5 milyon uşaq yoxsulluq içində yaşayıb. Leyboristlər Partiyasının uşaq yoxsulluğu ilə mübarizə üzrə əsas strategiyası ən azı payıza qədər təxirə salınıb.
Bazar günü Britaniyanın təhsil naziri bildirib ki, hökumətin rifah dəyişiklikləri ilə bağlı son reveransı bu siyasətin həyata keçirilməsini çətinləşdirəcək və onun strategiyaya daxil edilməyəcəyi ilə bağlı qorxuları artıracaq.
2017-ci ilin aprelində Mühafizəkarlar Partiyası dövründə qüvvəyə minən qanun əksər ailələrə uşaq krediti və universal müavinətləri ilk iki uşaqla məhdudlaşdırır. Uşaq Yoxsulluğu Fəaliyyət Qrupu hesab edir ki, bu hədd hər gün 109 uşağı yoxsulluğa sövq edir.
Fiskal Tədqiqatlar İnstitutu hesab edir ki, belə bir siyasətə son qoymaq hökumətə ildə təxminən 3,4 milyard funt-sterlinqə başa gələcək və 500 min uşağı nisbi yoxsulluqdan qurtaracaq.
De Souza, həmçinin bahalaşan qiymətlərlə ayaqlaşmaq üçün hökuməti uşaq müavinətlərinin verilməsinə çağırıb.
Bölmənin digər xəbərləri
