“Reysinq Poynt” öz bolidini fevralın 13-də Kanadada təqdim edəcək
Bakı, 19 dekabr, AZƏRTAC
Formula 1 yarışlarının “Reysinq Poynt” komandası öz bolidini 2019-cu il fevralın 13-də təqdim edəcək.
AZƏRTAC komandanın mətbuat xidmətinə istinadla bildirir ki, təqdimat mərasimi Torontoda (Kanada) keçiriləcək.
“Kral yürüşləri” komandası ilk dəfədir ki, öz avtomobilini Kanadada təqdim edəcək. Təqdimat mərasimində “Reysinq Poynt” komandasının kanadalı yürüşçüsü Lens Stroll və onun komanda yoldaşı Serxio Peres iştirak edəcək. Gözlənildiyinə görə həmin tədbirdə komandanın adının dəyişdirilməsi də elan ediləcək. 2018-ci il mövsümü başa çatandan sonra Stroll “Reysinq Poynt” komandasında Estaban Okonu əvəz edib.
Beynəlxalq Avtomobil Federasiyasının (FİA) bu yaxınlarda dərc edilmiş 2019-cu il mövsümü üçün rəsmi sifariş siyahısında təsdiqlənib ki, “Fors İndia” komandasının adı dəyişdirilərək “Reysinq Poynt Formula 1” adlandırılıb.
Bölmənin digər xəbərləri
