ROMANO PRODİ İTALİYA QOŞUNLARINI İRAQDAN ÇIXARACAQ
Prodi bildirmişdir ki, yaxın vaxtlarda İtaliya hökuməti ölkənin İraqdakı qoşunlarının oradan çıxarılması təklifi ilə parlamentə müraciət edəcəkdir. O, qoşunların çıxarılmasının konkret tarixini göstərməmişdir.
2003-cü ildə Silvio Berluskoni amerikalıların İraqa müdaxiləsini dəstəkləyərək, bu ölkəyə üç minədək əsgər və polis göndərmişdir. Bu qərar İtaliyada böyük etirazlara səbəb oldu. Sosioloji sorğuların nəticələrinə görə, italiyalıların əksəriyyəti İraqa hərbi müdaxilənin əleyhinədir.
Aprelin əvvəllərində keçirilən parlament seçkiləri ərəfəsində Berluskoni İraqdan qoşunları ilin sonunadək çıxarmaq niyyətində olduğunu bildirmişdi. İtaliya hərbi qulluqçularının artıq bir hissəsi vətənə qayıtmışdır.
Bölmənin digər xəbərləri
