Ronaldunun keçmiş komanda yoldaşı: Portuqaliya dünya çempionatında kollektiv oyun göstərə bilmədi
Bakı, 13 iyul AZƏRTAC
Portuqaliya millisinin uğursuz çıxışının əsas səbəbi kollektiv oyun nümayiş etdirə bilməməsi oldu.
Bu sözləri AZƏRTAC-a açıqlamasında Portuqaliya millisinin sabiq futbolçusu Edinyo deyib.
O bildirib ki, hər kəs yığmadan daha yaxşı çıxış gözləyirdi: "Lakin komanda gözləntiləri doğrultmadı. Əsas problem komandanın vahid kollektiv kimi çıxış edə bilməməsi idi. Belə olanda isə yaxşı təşkilatlanmış rəqiblərə qarşı çətinlik yaşayırsan. Heyətdə çox keyfiyyətli futbolçular olsa da, onlar gözlənilən performansı sərgiləyə bilmədilər. Buna görə də Portuqaliya növbəti mərhələyə vəsiqə qazana bilmədi".
Veteran hücumçu mundialdan sonra komandanın aparıcı üzvü Kriştianu Ronaldu ilə danışmadığını vurğulayıb.
Xatırladaq ki, Portuqaliya millisi DÇ-2026-nın 1/8 final mərhələsində İspaniyaya 0:1 hesabı ilə uduzaraq mübarizəni dayandırıb. Həmin matçdan sonra baş məşqçi Roberto Martines istefa verib.
Müxbir – Cavid Əliyev
Bölmənin digər xəbərləri
