Rusiya hərbi təyyarəsini ələ keçirmək üçün Yaponiyanın qırıcı təyyarələri səmaya qaldırılmışdır
Tokio, 1 noyabr (AZƏRTAC). Noyabrın 1-də Yapon dənizi üzərində uçan Rusiya hərbi təyyarəsini ələ keçirmək üçün Yaponiya qırıcı F-2 təyyarələrini səmaya qaldırmışdır. Yaponiya Müdafiə Nazirliyindən bildirmişlər ki, bu zaman hava məkanının pozulması qeydə alınmamışdır.
Nazirliyin yaydığı məlumatda qeyd edilir ki, Rusiyanın radioelektron kəşfiyyat təyyarəsi İl-20 uzun illərdir ki, Tokio ilə Seul arasında ərazi mübahisəsinin mövzusu olan Oki və Takesima adaları üzərindən uçmuşdur.
Rəsmi Tokionun bildirdiyinə görə, bu, fevral ayından bəri Rusiya hərbi təyyarələrinin Yaponiyanın hava məkanını pozması ilə əlaqədar ilk haldır.
Lakin, bu, cari ildə baş vermiş yeganə belə hadisə deyildir. Avqustun sonlarında Yaponiya özünümüdafiə qüvvələri Rusiya HHQ-nin iki bombardmançı təyyarəsini ölkənin hava məkanını pozduğuna görə də hərbi təyyarələri səmaya qaldırmışdı.
Yaponiya Müdafiə Nazirliyinin bildirdiyinə görə, Rusiya HHQ-nin iki Tu-95 bombardmançı təyyarəsi saat 12.09-da Okinoşima (Fukuoka pregekturası) adasının şimal-qərbində ölkənin hava məkanını pozmuş, lakin iki dəqiqədən sonra bu ərazini tərk etmişdilər.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
