Rusiya ordusu Ukraynaya 32 PUA zərbəsi endirib
Kiyev, 4 sentyabr, AZƏRTAC
Rusiya ordusu bu gecə 32 ədəd “Shahed-136/131” pilotsuz uçuş aparatı ilə Ukraynaya hücum edib. Hava hücumundan müdafiə qüvvələri (HHMQ) hava hədəflərindən 23-nü vurmağa nail olub.
Bu barədə AZƏRTAC Ukrayna Silahlı Qüvvələri Hərbi Hava Qüvvələrinin məlumatına istinadla xəbər verir.
Rusiya Silahlı Qüvvələri Ukraynaya “Şahed” pilotsuz uçuş aparatları ilə cənub və cənub-şərq istiqamətindən (Çauda burnu, Krım və Primorsko-Axtarsk, RF) hücum edib.
Qeydə alınan 32 dron Odessa və Dnepropetrovsk vilayətlərinə zərbələr endirib.
Hava hücumundan müdafiə qüvvələri və vasitələri düşmənin 23 pilotsuz uçuş aparatını məhv edib. Habelə Ukrayna Silahlı Qüvvələrinin qırıcı artilleriya, zenit-raket qüvvələri və mobil atıcı qruplarının bölmələri tətbiq edilib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
