Rusiyada hərbi təyyarənin qəzaya uğradığı ərazidə axtarış işləri aparılır
Moskva, 1 aprel, AZƏRTAC
Rusiya Müdafiə Nazirliyinin An-26 hərbi-nəqliyyat təyyarəsinin Krım Respublikasında qəzaya uğramasından sonra uçuş qaydalarının pozulması və onlara hazırlıqla bağlı cinayət işi açılıb.
AZƏRTAC xəbər verir ki, təyyarə martın 31-də Baxçasaray rayonunun Kuybışevo kəndi yaxınlığında qəzaya uğrayıb. Ekipajla əlaqə Moskva vaxtı ilə saat 18:00 radələrində kəsilib. Təyyarənin göyərtəsində olan yeddi heyət üzvü və 23 sərnişinin hamısı həlak olub.
Rusiya Federasiyasının İstintaq Komitəsi hərbi müstəntiqlərin və məhkəmə ekspertlərinin hadisə yerində işlədiyini və dağlıq meşə ərazisində axtarış işləri aparıldığını bildirib.
Qəzanın səbəbləri və başvermə şəraiti müəyyən edilir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
