Rza Pəhləvi Berlində hücuma məruz qalıb VİDEO
Berlin, 23 aprel, AZƏRTAC
İranın sürgündəki vəliəhd şahzadəsi Rza Pəhləvi Almaniyanın paytaxtı Berlində hücuma məruz qalıb.
AZƏRTAC xəbər verir ki, Berlində mətbuat konfransı keçirdiyi binadan çıxarkən onun üzərinə boya maddəsi atılıb. Hücumu törədən şəxs dərhal polis əməkdaşları tərəfindən saxlanılıb.
Qeyd edək ki, R. Pəhləvi mətbuat konfransında İranın daxili siyasəti ilə bağlı kəskin bəyanatlar səsləndirib. O, xüsusilə Amerika Birləşmiş Ştatları və İran arasındakı atəşkəs razılaşmasını tənqid edib.
Berlinə səfəri zamanı Almaniyanın hökumət üzvləri tərəfindən R. Pəhləvi ilə heç bir görüş planlaşdırılmayıb. Keçmiş şahzadə bu münasibətdən narazılığını bildirib. Lakin onun Bundestaqın bir sıra üzvləri ilə görüşü nəzərdə tutulub.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
