“Sabah” klubu yamaykalı yarımmüdafiəçi ilə anlaşıb
Bakı, 5 sentyabr, AZƏRTAC
“Sabah” klubu Ukraynanın “Dinamo” (Kiyev) komandasında çıxış edən yamaykalı futbolçu Kahim Perrislə anlaşıb.
AZƏRTAC yerli mətbuata istinadən xəbər verir ki, Bakı təmsilçisi 23 yaşlı hücumameyilli yarımmüdafiəçini icarəyə götürəcək.
Razılığa əsasən, 23 yaşlı oyunçu ilə cari mövsümün sonunadək müqavilə imzalanacaq. “Sabah” 2024-cü ilin yayında onu birdəfəlik transfer edə bilər.
Qeyd edək ki, Kahim Perris “Dinamo”ya ötən ilin yayında Sloveniya “Koper”indən keçib. O, 2022/2023 mövsümündə Kiyev təmsilçisinin heyətində 15 oyuna çıxıb və 3 qol vurub. Gənc vingerin Ukrayna klubu ilə müqavilə müddəti 2026-cı ilə qədərdir.
Bölmənin digər xəbərləri
