Sabah Qırğızıstanda növbədənkənar prezident seçkiləri keçiriləcək
Bakı, 9 yanvar, AZƏRTAC
Yanvarın 10-da Qırğızıstanda növbədənkənar prezident seçkiləri və respublikada idarəçilik formasının müəyyənləşdirilməsi ilə bağlı referendum keçiriləcək.
AZƏRTAC Qırğızıstan KİV-lərinə istinadla xəbər verir ki, ölkə prezidenti postu uğrunda 17 namizəd mübarizə aparacaq. Eyni zamanda, vətəndaşlar hansı idarəetmə formasına - prezident, yoxsa parlament üsul-idarəsinə üstünlük verdikləri barədə seçim edəcəklər. Seçki günü respublikada 2470, o cümlədən xaricdə 48 seçki məntəqəsi fəaliyyət göstərəcək.
Əvvəlki dövlət başçısı Sooronbay Jeenbekov 2020-ci il oktyabrın 15-də, on günə yaxın davam edən etiraz aksiyaları və kütləvi iğtişaşlardan sonra istefa verib. Habelə Baş nazir Kubatbek Boronov və parlamentin sədri Dastanbek Cumabekov da vəzifədən gediblər.
Bölmənin digər xəbərləri
