“Sabah”ın yeni transferi: Məqsədim klubun tarixi uğurlarında pay sahibi olmaqdır
Bakı, 14 sentyabr, AZƏRTAC
Burada olmaqdan çox şadam. Yeni klubumda ilk oyuna çıxacağım anı səbirsizliklə gözləyirəm.
AZƏRTAC xəbər verir ki, bu sözləri “Sabah” komandasının yeni transferi İshak Belfodil klubun rəsmi saytına açıqlamasında deyib.
“Sabah”ın gənc kollektiv olduğunu söyləyən əlcəzairli hücumçu bildirib ki, əsas məqsədi klubun tarixi uğurlarında pay sahibi olmaqdır: “Azarkeşlərimizə məni xoş qarşıladıqlarına görə təşəkkür edirəm. Var qüvvəmizlə çalışaraq əlimizdən gələni edəcəyik ki, onları müsbət nəticələrimizlə sevindirək".
Qeyd edək ki, “Sabah” klubu İshak Belfodillə 2+1 illik müqavilə imzalayıb.
Bölmənin digər xəbərləri
