SABİRABADIN TORPAQ MÜLKİYYƏTÇİLƏRİ ZƏMİLƏRİN ERKƏN YAZ GÜBRƏLƏNMƏSİNƏ HAZIRLAŞIRLAR

02.03.2004 [12:13]
Çap et
A⁺ A^-

Sabirabadın torpaq mülkiyyətçiləri bu mövsümdə rekord həcmdə - 30000 hektar sahədə taxıl əkərək, sahələrin suvarmasını aqrotexniki müddətdə başa çatdırmış, normal bitiş alınmasını təmin etmişlər.

AZƏRTAC-ın müxbiri xəbər verir ki, 2004-cü ildə rayon əhalisinin taxıla olan bütün tələbatını yalnız yerli istehsal hesabına ödəmək barədə bir qrup qabaqcıl fermerin qaldırdığı təşəbbüs rayon icra hakimiyyəti tərəfindən bəyənilmiş və geniş yayılmışdır.

Rayon üzrə zəmilərin orta məhsuldarlığını 42 sentnerə çatdırmaq üçün erkən yaz gübrələnməsinə də geniş hazırlıq görülmüşdür. Mütəxəssislərin tövsiyəsinə uyğun olaraq kifayət qədər üzvi və mineral gübrə ehtiyatı yaradılmış və gübrəsəpən aqreqatlar təmir edilmiş, həmçinin, ayrı-ayrı sahələr üzrə qidalandırma normaları müəyyənləşdirilmişdir.

Yaxın günlərdə zəmilərin erkən yaz yemləməsinə başlanması nəzərdə tutulur.