Şagirdlər Əlahiddə Ümumqoşun Ordunun Təlim Mərkəzində olublar VİDEO
Naxçıvan, 12 iyun, AZƏRTAC
Naxçıvan Qarnizonu tam orta məktəbinin şagirdləri Əlahiddə Ümumqoşun Ordunun Təlim Mərkəzində keçirilən praktiki məşğələdə iştirak ediblər.
Əlahiddə Ümumqoşun Ordunun mətbuat xidmətindən AZƏRTAC-ın Naxçıvan bürosuna bildirilib ki, məşğələdə məktəblilərin ilkin hərbi biliklərə yiyələnməsinin əhəmiyyətindən danışılıb.
Təhlükəsizlik qaydaları ilə tanış olan məktəblilərə müxtəlif atıcı silahların hissə və mexanizmləri haqqında, eləcə də tibbi hazırlıqdan geniş məlumat verilib.
Sonda şagirdlər avtomatdan praktiki atışlar yerinə yetiriblər.
Bölmənin digər xəbərləri
