Şagirdlərin elektron yerdəyişməsi prosesi bu gündən müvəqqəti dayandırılır
Bakı, 8 yanvar, AZƏRTAC
Bu gün saat 18:00-dan etibarən şagirdlərin elektron yerdəyişməsi prosesi müvəqqəti olaraq dayandırılacaq.
Bu barədə AZƏRTAC-a Təhsil Nazirliyindən məlumat verilib. Bildirilib ki, sorğuların qəbulunun müvəqqəti dayandırılması II yarımil üzrə siniflərin komplektləşdirilməsi ilə bağlıdır.
Portalda mövcud sorğuların tamamlanması prosesi yanvarın 13-ü saat 18:00-dək davam edəcək. Valideynlər (qanuni nümayəndə) qeyd olunan tarixədək övladlarının şəxsi işlərini əvvəl oxuduqları məktəbdən götürərək yerdəyişmə üçün seçdikləri məktəbə təqdim etməlidirlər.
Proqram təminatının açılacağı tarix barədə ictimaiyyətə əlavə məlumat veriləcək.
Bölmənin digər xəbərləri
