Şahbuz rayonunda payızlıq taxıl səpini aparılır
Şahbuz, 2 noyabr, AZƏRTAC
Naxçıvan Muxtar Respublikasının Şahbuz rayonunun Sələsüz, Mərəlik və Türkeş kəndlərinin ərazilərində payızlıq taxıl səpini işlərinə başlanılıb. Bu günə qədər 450 hektar sahədə şum qaldırılıb, 70 hektara yaxın sahədə səpin aparılıb. Ümumilikdə, 15 hektar sahə isə suvarılıb.
AZƏRTAC-ın Naxçıvan bürosu xəbər verir ki, ərazidə torpağın münbitliyinin artırılması məqsədilə meliorativ tədbirlər həyata keçirilib, şoranlaşmanın və eroziyanın qarşısı alınıb. Əkin zamanı yerli iqlim şəraitinə uyğun yüksək reproduksiyalı toxum sortundan istifadə edilir. Əkinə “Naxçıvan Aqroservis” Açıq Səhmdar Cəmiyyətinin Şahbuz rayon bazasının texnikaları cəlb olunub.
Taxılçılar səpini optimal müddətdə başa çatdırmaq üçün bütün qüvvələrini səfərbər ediblər.
Bölmənin digər xəbərləri
