Şahmatçılar FİDE ustası Oleq Pavlenkonun xatirəsini yad etmişlər

04.11.2013 [21:06]
Çap et
A⁺ A^-

Bakı, 4 noyabr (AZƏRTAC). Respublika Şahmat Mərkəzində Azərbaycan şahmatçısı - FİDE ustası Oleq Pavlenkonun xatirəsinə həsr olunmuş blits-turnir keçirilmişdir.

AZƏRTAC xəbər verir ki, turnirin açılışında Azərbaycan milli yığmasının məşqçisi Fikrət Sideifzadə, “Gənclik” şahmat klubunun direktoru Gennadi Gelman və Veteran Şahmatçılar Birliyinin rəhbəri Tofiq Ağayev çıxış etmişlər. Onlar O.Pavlenkonun yaradıcılıq yolundan və Azərbaycanda şahmatın inkişafına töhfəsindən danışmışlar.

İsveçrə sistemi üzrə 7 turda keçirilmiş turnirdə 20 şahmatçı iştirak etmişdir.

Qaliblərə qiymətli mükafatlar təqdim olunmuşdur.

Asəf Abdullayev 7 mümkün xaldan 6 xal toplayaraq birinci yerə çıxmışdır. İkinci yerdə 5,5 xalla Ələmdar Məmmədov, üçüncü yerdə isə 5 xalla Niyaz Hüseynov olmuşlar.

Yelena Qorina və Rüfət Abdullayev xüsusi mükafatlara layiq görülmüşlər. Blits-turnirin təşkilatçısı “Gənclik” şahmat klubu olmuşdur.